Kumthar Jan. 24-ah Thawhhona sawiho leh dawn

/

Mizoram People Forum (MPF) Governing Board thukhawm chuan, Political Party te nen an thawhhona thuthlung enthat mek chu kumthar January 24-ah sawiho leh nise an ti.

Nimin khan MPF Governing Board thutkhawm chu Aizawl-a Synod Committee Room-ah neih a ni a, he hunah hian MPF General Hqrs. President tanglai, Rev. Dr. Vanlalnghaka Ralte chu Synod Moderator a nihna a tawp tak avangin President inruat thar chungchang an sawiho a, MPF Dan Bu enthat ah MPF President chu Governing Board in kum thum (3) atan a ruat thin ang tih a nih avangin MPF General Hqrs President tur hi kumthar January 9, 2023-ah ruat nise an ti a, hemi hma hi chuan tuna President tanglaiin a hruai rih dawn a. MPF Dan Bu thar chu a bu a tihchhuah nise an ti bawk a ni.

Mizoram-a Inthlan chungchanga MPF leh Political Party te thawhhona thuthlung enthat mek hi a thawh khatna atan November ni 29, 2022 khan MPF hruaitute leh Political Party hrang hrang hruaituten an lo thlirho tawh a, he hunah hian BJP, MPCC, MNF, PC leh ZPM party hruaitute telin January ni 24, 2023 (Thawhlehni)-ah Party aiawhte nena sawiho leh nise an ti bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »