Latest News

Thla riat chhungin Chhiah vbc. 648.59 hmu tawh

Mizoram sawrkar-a Taxation Department chuan kumin April - November (thla riat) chhung khan Chhiah an khawn chi hrang hrang atangin Rs. 6,48,59,53,254 an hmu tling tawh a, hei hi kum 2022-2023 a chhiah hmuh beisei zat (target) Rs. 7,30,03,51,000 atangin zaa 88.84 a ni.

Taxation Department hian Chhiah chi li - GST, Profession Tax, Sales Tax leh Entertainment Tax an la thin a, kumin thla riat chhung hian GST-ah Rs. 556,36,24,266; Profession Tax-ah Rs. 12,40,67,837; Sales Tax-ah Rs. 79,79,22,985, Entertainment Tax-ah Rs. 1,16,876 leh Chhiah dang atangin Rs. 2,21,290 an hmu tawh a ni.

Taxation Department hian April thla khan Rs. 90,46,82,225/- hmuin May thla ah Rs. 93,46,38,881; June thla ah Rs. 80,00,86,741/-; July thla ah Rs. 64,35,80,409/-; August thla ah Rs. 88,02,93,767/-; September thla ah Rs. 66,30,28,736/-; October thla ah Rs. 93,01,86,839/- leh November thla ah Rs. 72,94,55,656/- an hmu a ni.

Covid leng vangin kum 2020-21 chhung khan Taxation Department hian Tax Revenue a hmuh thin angte a hmu pha lo nasa hle a, April, 2020-a an Chhiah hmuh chu cheng Vbc. 14.35 chiah niin kawng hrang hrangin tan an la a, Tax Return File lo te Reminder-te pein, a theih ang angin an tanpui a. Tax Deduction at Source (contract hna atanga Tax chhunluh)-te pawh theih ang anga chhuia hma an lak hnuah Covid leng te a lo ziaawm ta bawk nen, tun dinhmunah chuan chhiah hmuh a tha chho leh tawh nia thudawn a ni.

Comments

Popular News (Last 30 Days)