Serchhip-ah No Tolerance Drive kalpui dawn

Karleh Thawhtanni atang khian Serchhip ah Traffic Dan bawhchhiate enfiah runpui No Tolerance Drive kalpui leh a ni dawn.

Hemi chungchanga Serchhip SP Stephen Lalrinawma’n thuchhuah siama a tarlan danin, Mizote hunpui Krismas leh kumthar lo thleng tur mitin ten dam leh him tlang taka kan hman theih nan Serchhip khaw chhung hmun hrang hrangah Traffic Police leh Transport Department tangkawp ten karleh Thawhtanni atang khian lirthei endik hna hi an thawk dawn a. Lirthei khalhtuten fimkhur taka khalh tur leh documents fel lo te pawhin lo tifel rang turin a hriattir a ni. Hemi chhunga dan bawhchhia man reng rengte chu ngaih-hnathiamna a awm dawn lo a ni.