Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Dan zawmlo 78 man an ni

Serchhip Traffic Police ten kar kalta-a No Tolerance Drive an hman chhung khan Dan zawmlo mi 78 man an ni.
Serchhip Police te hian kar kalta Thawhtanni atanga Inrinni thleng khan Serchhip-ah lirthei Dan zawmlo te enfiah runpui neiin lirthei chi hrang hrang enfiah a ni a, Inrinni thleng khan lirthei 1035 enfiah niin heng atang hian Dam zawmlo mi 78 man niin heng mite pawisa chawi tlingkhawm chu Rs. 70,800/- a tling a, Dan zawm loh zingah hian Insurance fello chu a tam ber nia thudawn a ni.

Traffic Police ten an chhinchhiah danin No Tolerance Drive an hman tan ni-ah lirthei 300 enfiahin Dan zawmlo mi 22 man an ni a, an sum chawi chu Rs. 25,600/- niin Thawhlehni khan lirthei 231 enfiahin Dan zawmlo 17 man leh an ni a, an sum chawi chu Rs. 14,000/- a ni. Nilaini-ah lirthei 205 enfiahin Dan zawmlo mi 18 man an ni a, an sum chawi Rs. 15,000/- niin Ningani-ah lirthei 121 enfiahin Dan zawm lo mi 10 an man a, an pawisa chawi pawh Rs. 7400/- a ni. Zirtawpni khan lirthei 119 enfiah leh niin Dan zawmlo 7 an man a, an sum chawi chu Rs. 5800/- a ni a, Inrinni khan lirthei 59 enfiah lehin Dan zawmlo 4 man an ni a, an sum chawi pawh Rs. 3000/- a ni.

Comments

Popular News (Last 30 Days)