Vawk leh Vawksa lakluh khuahkhirhna siam
Mizoram chhung hmun thenkhat leh Serchhip District chhung hmun thenkhata African Swine Fever leng mekin ziaawm lam a pan zel laiin ramdang leh State dang atangte a he Vawk natna hri hi a lo luh a hlauhthawnawm avangin Serchhip District Magistrate Lalmuansanga Ralte chuan ramdang leh State dang atanga Vawk lakluh leh Vawk sa atanga thilsiam lam chi lakluh khapna thupek a tichhuak a. Hetihlai hian ASF len lohna State atangin Frozen Pork Product erawh chu Krismas leh kumthar vuakvet chhungin dan anga lakluh theih a ni a. Agriculture and Processed Food Products Export Development Authority (APEDA) approved Firm ten SOP duansa zawmin, Director, AH & Vety Department phalna lak hmasak tur a ni thung. Vawk damlo talh khap tlat a ni a, Vawk damlo neite chuan rang takin an dah hrang tur a tih niin, a thite chu thuk takah tha taka phum tur a ni a. Vawk damlo nei leh hri vanga thi neite chuan rang taka AH&Vety Department te hriattir tur a nih thu leh hri vanga Vawk suat duhte pawhin Department-ah dilna thehtuh hmasak tur a nih thu te a tarlang bawk.
He thupek hi chhuah a nih, December 16, 2022 atanga thla hnih (2) chhung huam tur niin thupek zawm lo te chu Section 188 IPC hmanga hrem theih an ni ang.
Comments
Post a Comment