LGBTQI Shelter sak tum dodal

/

Mizoram-a Lesbian, Gay, Bisexual, Transgender, Queer and Intersex (LGBTQI) te tana Shelter sa tura hmalakna kal mek chu Central YMA chuan an duhloh thu leh ti hlawhtling lo tura an duh thu Chief Minister hnenah an thlen.

Nimin chawhnu khan Central YMA hruaitute hian Chief Minister Zoramthanga chu a Office-ah kawmin neih inang inkawp, LGBTQI te tana Shelter sak tur chungchang hi an sawipui a, Central YMA President R. Lalngheta chuan Chief Minister hnenah hian, Central YMA chuan 'Neih inang inkawp' chu Mizoram in kan pawm loh thu leh anmahni puala Shelter sak tumna awm mek chu titawp turin an thlen tih a sawi a, Chief Minister chuan a changtu UD&PA Minister, Deputy Chief Minister ni bawk a lo sawipui nghal tur thu a lo hrilh thu a sawi tih a sawi bawk.

LGBQTI Shelter hi Sakawrtuichhun, Aizawl-ah Rs. 35,00,000 seng a sak turin UD&PA Department chuan hmalakna a kalpui mek nia hriat a ni a, hnathawktu tur thlang turin Tender pawh December ni 6, 2022 khan tihchhuah a ni a, ruahman danah chuan Shelter hi thla 6 chhunga sak zawh tur a ni.

Central YMA hruaitute hian Myanmar kuhva ro tawlh chungchanga hmalakna chak zawka kalpui a nih theih nana tan lak a tul thu thlen bawkin, Mizo leh Mizo kan inhmelmak mai dawn nia a lan thu an thlen bawk a, Central YMA rawtna angin, tun thla ni 15-ah Kuhva ro tawlh chungchangah a changtu Minister leh a kaihhnawih Department te nen Meeting neih nise tiin ruahmanna an siam nghal bawk a. Hengte bakah hian, Bangladesh atanga Mizo raltlante chungchang pawh sawipuiin, chenna hmun ruahman dan ngaihtuah sak an duh thu an thlen bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »