Latest News

Leng khua in National Award 3 an dawn an lawm

Serchhip District chhunga Leng khua chuan National Panchayat Award pahnih an dawn leh National Water Award an dawn lawmna niminpiah khan an nei.
Leng Village Council in kum 2020-2021 chhunga Ministry of Panchayat hnuaia mipuite tana Gram Sabha hmang tha chawimawina, 'Nanaji Deshmukh Rashtriya Gaurav Gram Sabha Purashkar' an dawn leh mipuite tana hna an thawh that avanga chawimawina, 'Deen Dayal Upadhyay Panchayat Sashaktikaran Purashkar' an dawn bakah Tuihna humhalh kawnga hma an lak that avanga kum 2019-2020 chhunga 2nd National Water Award semna a lawmman pakhatna an lak lawmna hriatrengna atana lungphun an siam chu Bialtu MLA leh Home Minister Lalchamliana chuan hawngin hemi hnua a lawmna Inkhawm Saihnuna Hall-a neih chhunzawm ah Home Minister chuan Sawrkar atanga engkim dawn tumna rilru hian min tichhia tih sawiin, he rilru hi kan thlak a ngai tawh tih a sawi a, kan tih tih ve theih reng, kan tih peih loh leh a nachang kan hriat loh avanga sawrkar atanga hmuh zel kan tumna rilru hi kan thlak a ngai tih a sawi a. Chutiang rilru pu lova Leng khawtlang in kawng hrang hranga hma an lakna avanga National Award an dawng chu lawmawm a tih thu a sawi bawk.


He hunah hian Khual zahawm LAD Minister K. Lalrinliana pawhin India rama Panchayat nuai 2.5 chuang zinga Award pathum dawng thei Leng khua a lawmpui thu sawiin, National Award dawng tura thil tih tur tam tak a awm thu leh endikna tam tak paltlang ngai awm te Leng khua in paltlanga Award an dawng chu a lawmpui thu a sawi a. India sawrkar pawhin heng Award hi kalpui zel tha tiin lawmman dawn theih te pawh a pung zel tih a sawi a. Kawng hrang hrangah Hrangturzo Bial chu entawntlak an nih thu sawiin, ropui a tih thu leh hmundang atang pawha tlawh chakawm nih tum zel turin a chah a. Leng VC ten an khua a thlai leh thei bakah ranvulh lama hma la te chawimawina an hlan pawh ropui a tih thu sawiin, hei hi intodelhna kawnga inzirtirna a nih thu leh thil tha leh chin zui zel tlak a nih thu a sawi bawk.

Leng khua in National Aw


ard an dawn lawmna hunah hian Leng VCP B. Vanlalfinga chuan inlawmna thu a sawi a, LAD-a Joint Director Lalchawimawia chuan Leng khua in Award hrang hrang an dawn te hi sawifiahin Leng VC Secretary Ramdinmawia chuan VC Term dinglaia an hmalakna hrang hrangte a sawifiah bawk a ni. He hunah hian kumin chhunga Leng khuaa Buh leh thlai thar tam leh ranvulh lama hlawhtling te chawimawina hlan an ni bawk.

Comments

Popular News (Last 30 Days)