Latest News

Serchhip-a DAY-NULM hnuaia hmalakna thlirho

Nimin khan Serchhip-ah Deendayal Antyo-daya Yojana-National Urban Livelihoods Mission (DAY-NULM) District Executive Committee chu thukhawmin an hmalakna an thlirlet bakah hmalak zel dan tur an sawiho.
Serchhip DC Meeting Hall-a DAY-NULM District Executive Committee thutkhawm hi Serchhip Addl. DC Lalmuansanga Ralte chuan kaihruaiin kum 2022-2023 Financial Year chhunga Self Employment Programme (SEP) hnuaia Loan an pekchhuah dan tlirho niin sawrkar kum kal mek ah hian mi 22 te hnenah Loan hi pekchhuah tura ruahman a ni a, tun thlengin mi 13 te chu Bank lamin thlang fel tawhin a bak mi 9 te hi Bank lam hian an lo thlan fel leh tur thu an sawi a ni.


Hei bakah hian Lead Bank te nen nakum February leh March thla chhunga Financial Literacy Campaign leh Loan Camp neih dan turte pawh he hunah hian sawiho a ruahmanna siam a ni a. Khawpui-a chenna nei lo ten thla ruk (6) chhung chenna atana an hman theih tur P&E Veng-a Shelter Home cheithatna tura Shelter Management Committee in rawtna an siam te chu pawmin, he Shelter Home-a awm tur zawnna hi tihchhuah leh nise an ti bawk a ni.

Comments

Popular News (Last 30 Days)