Latest News

Home Minister in Hmunzawl Community Hall a hawng

Home Minister leh Hrangturzo bialtu MLA Lalchamliana chuan nimin khan Hmunzawl khua ah cheng nuai 26 senga sak Community Hall a hawng.
Hmunzawl Community Hall hawnna ah hian Home Minister chuan Hall tha tak an neih avanga Hmunzawl khua a lawmpui thu sawiin, khaw laili-a Hall tha tak an neih chu uluk taka enkawl zui turin a chah a. Mihring in mamawh kan nei zel tih sawiin, heng kan duh leh mamawh kan neih theihna hian hmasawnna min thlen thu a sawi a, sawrkar atanga engkim a thlawna hmuh beisei lovin keimahni pawhin tih tur kan neih te hriaa lo dolet ve kan tum a tul thu a sawi bawk.


Hmunzawl Community Hall hawnna hun hi Hmunzawl VCP Lalnunmawia chuan a kaihruai a, Hall an neih theihna tura bialtu MLA hmalakna ah khawtlang mipuite an lawm hle tih a sawi a ni.

Hmunzawl khua hian tunhma lamin Hall hi nei thin mah se a chhiat tawh avangin kum 30 vel kaltsa ah khan thiah a ni a, tuna Hall hi a dung ft. 60 leh a vang ft. 30 a lian niin ft. 20 a sang a ni a. Rural Development sum cheng nuai 18 leh MLA Fund cheng nuai 8 hmanga sak a ni.

Comments

Popular News (Last 30 Days)