Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Serchhip-ah Women and Child Development Office

Mizoram sawrkar chuan Serchhip-ah Women and Child Development District Programme Officer (DPO) Office a rawn hawng ta.

Social Welfare Department chu Directorate pahnih, ‘Social Welfare & Tribal Affairs’ leh ‘Women and Child Development’ a then a nih hnuah an hmalakna pawh then hrangin siam chho zel a ni a, Women and Child Development Department-a District Programme Officer (DPO) Office chu tunhnai khan Serchhip ah hawn thar niin DPO hna chelh tur hian he Department-a Deputy Director nilai leh Serchhip ICDS Project-a CDPO hna lo chelh tawh thin Vanlalhruaii chu dah a ni a, a hna pawh a rawn zawm tawh bawk a ni.

Women and Child Development Department-a District Programme Officer (DPO) Office atan hian Serchhip P&E Veng-a H. Laldawla In chu luah lailawk niin he Department hian nu leh naupang bakah Hmeichhia te hmasawnna tura thawk thin, ICDS, ICPS, PMMVY, OSC leh a dangte chu a enkawl dawn a ni. Hetihlai hian Social Welfare & Tribal Affairs Office erawh Serchhip-ah hian hawn a la ni ve lo thung.

Comments

Popular News (Last 30 Days)