Riahbuk kang-ah ramriak mi 3 an kanghlum

Nizan hmasa khan Kolasib District chhung Dilzau leh Dumkhel Lui chhuah-a thingzai a ramriak patling pathum chu an ramriahna buk kang avangin ka pawh chhawn lohin an boral.

Thudawn danin vanduaina tawka thi te hi Meidum khua cheng vek niin, Vanlalpeka (45), Ordein-a (33) leh Kungtea (40), Burma lam mi, thingzaia inhlawh thin leh Meidum khua a mi In a awm lawr thin te an ni a. Nizan hmasa dar 9:00 leh 10:00 inkar vel khan vanduaina tawk mi pathum te hian an thingzaina khawl a thun tur Gallon bur a Petrol litre 20 awm chu khawl-ah hian an thun a. Hetihlai hian Vanlalpeka nupui Lallawmawmi chu pawn-ah zunram thiara chhuakin pawn-a a awm lai hian an buk chu a kang ta thut a, chhan hman lohin heng mi pathum te hi an boral zui nghal a ni. Hemi hnu hian Lallawmawmi hian Dilzau Leilet enkawltute chu panin he thil thleng hi a hrilh a, Mobile Phone hman sakin khawchhunga awm te hrilhin Police te hriattir nghal an ni bawk.