ZDU Serchhip buatsaihin Serchhip-ah 'Fimkhurna Hapta 2022' hman a ni
'Fimkhurna Hapta 2022' hawnna hi nimin zing khan Serchhip Bazar Traffic Point-ah neih niin Serchhip SDPO Kaste Romalsawma chuan kumtin hetianga Fimkhurna Hapta kan hman hian kawngro a su em em tih sawiin, lirthei khaltute rilru-ah fimkhur a tul zia a tuh thar thin tih a sawi a. Kum 2021 report atanga a lan danin Serchhip District-ah mipui 64,937 awmin, lirthei chi hrang hrang 11,750 awm mekin mihring 5.5 zelin lirthei pakhat kan intawm ang a nih thu a sawi a. Kum 2022 kal mekah lirthei-a chetsualna thubuai panga (5) ziahluh tawh a nih thu leh nunna chan mi pakua (9) an awm tawh tih a sawi a. Lirthei khalhtute leh neituten dan an zawm loh avanga man leh pawisa chawitir an tam thu pawh sawiin, Police ten mi 488 man tawhin, Dan zawmlo an mante pawisa chawi tlingkhawm hi Rs. 1,75,270 anih thu leh Transport Department-a Enforcement Staff ten dan zawmlo an man te atanga pawisa chawi tlingkhaw pawh Rs. 4,68,400/- a nih thu a sawi bawk.
Serchhip SDPO chuan karleh Thawhtanni, December 12, 2022 atanga Serchip Traffic Police leh Transport Department ten 'No Tolerance Drive' an kalpui tur chungchang pawh sawilangin, No Tolerance Drive an kalpui hun chhung hian in ngaihhnathiamna a awm theihloh avangin Dan ang taka lirthei khalh theuh turin mipuite a chah a. Lirthei khaltu, a neitu leh mipuite himna tura tunhnaiaTraffic Rules sim thar chu a khauh in dan bawhchhia te pawisa chawi tur a tam hle tih a sawi bawk.
Serchhip-a Fimkhurna Hapta hawnna hun hi ZDU Sub-Hqrs. Serchhip Vice President Lalthlanthanga Chawngthu chuan kaihruaiin ZDU Member te bakah Serchhip Police Station-a Officer Incharge Inspr. C. Lalremthanga, Traffic Incharge Jessy Zaithanmawia t pawh an tel a. ZDU hian Road Safety Week puala Flag an siam chu an zuarchhuak nghal a ni.
Comments
Post a Comment