Latest News

MIZOFED in 3-na lawmman la

MIZOFED Serchhip Branch chuan mipuite hman theih tura eirawngbawlna Gas kg. 10-a rit Indane Composite Cylinder, Smary Cylinder an tih bawk hralhchhuak tha lawmman pathumna an dawng.
Indane Divisional Office Silchar hnuaia Distributor te intawhkhawmna, Annual Distributors’ Convention chu niminpiah khan Imphal (Manipur)-ah neih a ni a, he hunah hian MIZOFED Serchhip Branch hian Indane Divisional Office Silchar hnuaia Indane Composite Cylinder, Smary Cylinder mipuite hnena hralhchhuak tha lawmman pathumna hi an dawng a, Indane Divisional Office Silchar hnuaia hian Mizoram, Tripura, Nagaland leh Barack Valley te an awm a, Distributor 292 zet an awm a ni.

Indane Composite Cylinder hi Gas Connection nei ten Gas bur an hman mek aiah an hmang thei a, Gas Connection nei ten bur an neihlai chu MIZOFED hnenah hian thlengin Security Deposit an lo thehluh tawh chu peklet a ni dawn a ni. Hetianga Gas bur an peklet hnu hian a bur thar atan Security deposit Rs. 3550/- pek a tul a, hei bakah hian Gas man Rs. 836/- leh Administrative Cost Rs. 75/- chawi a ngai a, heng sum te an pek hnuah hian a bur thar hi pekchhuah a ni dawn a ni.

Mipui nawlpui ten tuna Gas Cylinder an hmanlai hi Gas kg. 14.2-a rit lenna niin a bur nen chuan kg. 28-30 lai te a ni thin a, tuna bur thar erawh hi chu a ruak kg. 6.3 vel chauh niin Gas pawh kg. 10 leng a, hei vang hian a man pawh a hniam deuh a, a bur siamna hmanrua ah thir hmang tawh lovin Plastic chi khat, High Density Polythene Pipe thuah thum (3) hman a ni a, a bik taka sawngbawl Fibre Glass hmanga thuam leh niin pawnlam atangin Gas awm zat pawh hmuh theih a ni bawk.

Comments

Popular News (Last 30 Days)