Health care-a sum hman dan pawi tih thu sawi

ZPM Thalaite chuan Mizoram sawrkâr-a Health Care-a inziahluhna sum hman danah mipuite rahbeh an ni tih hailan a ni tih sawiin, pawi an ti takzet tih an sawi.

Nimin-a Aizawl Press Club-a thuthar thehdarhtute an kawmna ah ZPM Thalai President Dr. C. Lalrammawia chuan Health Care inziahluhna sum hman dan chungchang chu RTI hmangin Health Department-ah zawtin Mizoram State Health Care Scheme-a inziahluhna sum te chu Administrative Expenditure/Sawrkar inrelbawlna heng- Zinna senso, Staff hlawh, Tranining pekna, Office inrelbawlna leh a dangte atân hman a nih thu leh, a bang la awm chu Bill tâng pêkchhuahna atan hman a nih thu târlan a ni tih a sawi a. Health care inziahluhna sumte chu sawrkâr inrelbawlna atâna hman a nih dan kimchang RTI hmang veka zawt lehin chuta chhanna an hmuh danin Vawiin thlengin Health Care-a inziahluhna sum atangin Rs. 7,28,89,880/- chu sawrkâr inrelbawlna atâna hman niin, October 1, 2020 atanga Vawiin thlengin Health Care inziahluhna sum vek hi Bill tâng atan Rs. 3,21,65,987/- chauh pekchhuah a ni thung tih târlan a nih thu leh damlo bill 1,158 chauh an cover thu a sawi a ni.

ZPM Thalai hruaitute chuan mipuite sum thawhkhawm hmangin MNF sawrkâr hnuaia Health Care kalpui a nih danah mipui rahbehna nasa tak a awm tih sawiin, kumin September 21 thleng khan Health care Bill tang 29,302 awmin, bill tang zawng zawng belhkhawm chu Rs. 80,54,44,879 a ni tih an sawi a. “Hei hian sum leh pai enkawlna kawnga MNF sawrkâr hlawhchhamzia leh MNF sawrkâr hi mipuite hriselna hlamchhiahtu an nih zia a tichiang hle a ni,” an ti a. “Minister leh a hnuaia Department hnathawk thahnem tak an awm reng laia nihna inpek duh vanga mipuiin an ngaih, SEDP Board 14 enkawlna atana kumtin cheng bc. 2 chuang sen thin a nih laiin engvangin nge Health Care inrelbawlnan mipui sum dah cheng vbc. 7 chuang hman ral a nih?” tih sawifiah turin Mizoram sawrkar an phut thu an sawi a. Health care bill tang zawng zawngte kumin Krismas hma ngeia pechhuak vek tura an phut thu an sawi bawk.

Comments

Popular posts from this blog