Thla khat chhung COVID-19 hri kai hmuh awm lo

Serchhip District-ah thla khat chhung zet COVID-19 hri kai hmuhchhuah thar an awm tawh lo.

Serchhip-a IDSP-a thawktu ten an chhinchhiahna atanga a lan danin Serchhip District-a COVID-19 hri kai hmuhchhuah hnuhnung ber chu kumin November 4 khan hmuhchhuah niin hemi hnu hian District chhung khawi khua atang mahin COVID-19 hri kai hmuh an ni zui ta rih lo a, thla khat chhung zet COVID-19 hri kai hmuhchhuah hi an awm tawh lo a. Hri kai hmuhchhuah hnuhnung ber hi Nov. 9, 2022 khan enkawlna hmun atanga chhuahtir a ni tawh bawk a, thla khat dawn chu hri kai enkawllai Serchhip District-ah an awm ta lo bawk a ni.

Serchhip District-ah hian COVID-19 hri kai mi 14,615 hmuhchhuah ni tawhin heng zinga 14,579 te chu enkawl dam an ni a, hri kai hmuh atanga za zela 99.75 te enkawl dam an ni a, hri kai zingah mi 36 chu boralin hei hi hri kai hmuh a\anga chhutin za zela 0.24 a ni bawk.