Tlungvel-ah 33/11KV Sub-Station hawn a ni
33/11KV Sub-Station hawnna hunah hian Deputy Speaker Er. Lalrinawma chuan Tlungvel Power Sub-Station thar hawn theiha peih a ni ta chu lawmawm a tih thu sawiin, hmasawnna duhawm tak an neih theih nana ngaihtuahna leh tha thawhtu sawrkar leh P&E Department-a thawkte, NGO's, VC, khawtlang mipuite chungah lawmthu a sawi a. Tuikum bial chhung khaw hrang hrangah hmasawmna tam tak a awm chho zel chu a hmuhnawm hle tih sawiin, mipuite pawhin an chhawr tangkai hle tih a sawi a. Khuarel thilpek nilo ah chuan Electric Current hi kan nunphung ah a pawimawh ber pawl a ni tih pawh sawiin, “Power Supply kan hmuh ang angte a renchem lam thiama, daihzai taka hman thiam a tangkai em em a ni tih kan hre reng anga. A enkawlna kawngah pawh fimkhur leh duat takin kan enkawl dawn nia,” tiin thawktute leh mipuite a chah a ni.
Tlungvel-a 33kV Sub-Station hi Mizoram sawrkar in SEDP Fund cheng nuai 160 a ruahman atanga thawh niin March 3, 2020-a pawm a nih hnuah thawh nghal niin March 26, 2021-ah zawhfel a ni.
Comments
Post a Comment