Latest News

Bangladesh atanga raltlan rawn lut Parva-III a awm te khaw dangah sem darh dawn

Tunhnaia Bangladesh atanga Mizoram-a raltlan rawn lut Lawngtlai District chhung Parva-III khua a awm mek mi 310 te chu Vawiin atang hian hmun dangah sem darh an ni dawn a. Heng raltlan awmna tur khua te chu Village Level Committee on Bangladeshi Asylum Seekers din theuh tura hriattir an ni bawk. 

Tunhnaia Lawngtlai District Bawrhsap Marilyn Rualzakhumi hova Lawngtlai District Disaster Management Authority thukhawm chuan an District chhunga Bangladesh atanga raltlan rawn lut te sem darh dan tur chungchangah hian ruahmanna an siam a, ruahmanna an siam dan chuan a Thawh khatnaah Vawiin Thawhtanni leh Thawhlehni-ah Tuithumhnar leh a bulhnai khuaah chhungkaw 30 dah an ni anga. Chhungkaw 20 chu Vathuampui-ah dahin chhungkaw 14 chu Chamdur Project-ah dah an ni ang a, chhungkaw 10 chu Mautlang khua-ah dah an ni ang. Chhungkaw 64 dahna tur Tuithumhnar, Vathuampui leh Chamdur Project-te hi Lai Autonomous District Council huamchhung a ni a, Mautlang hi Lunglei District a ni thung a. Tuna an awm mekna Vapar-III khua hi Chakma Autonomous District Council huamchhunga awm a ni thung.

Khaw danga raltlan sawnchhuahna atan hian an inhuam thu an sawi angin BSF chuan lirthei an ruahman dawn a, Chawngte SDO (Civil) chuan Parva-III a raltlan chhawm-dawlna awmte enfiahin an insawnna tur hmunah an mamawh tur angte a suan bawk ang. Parva a tlawmngai pawl te chu hetianga raltlan sawn-chhuah a nih dan tur hi hriattir an ni anga. An insawnna tur khuaa VCP leh tlawmngai pawlte chu raltlante lo hmuak turin ngen an ni bawk.

Raltlan te an insawnna tur khaw hrang hranga Village Council Preident leh Young Lai Association (YLA) hruaitute chu raltlan te chungchanga a tul anga hma la turin Village Level Committee on Bangladeshi Asylum Seekers din theuh tura hriattir an ni a, anni hian a tul ang zelin hma an la chhunzawm dawn a ni.

Comments

  1. Mautlang hi Lunglei District nilovin Lawngtlai District, Vathuampui piah khua zawk ani e.

    ReplyDelete

Post a Comment

Popular News (Last 30 Days)