Tiau lui-a Balu leh Lung lak titawp turin ngen

Champhai District chhung Tiau lui-a Sunshine Overseas Pvt. Ltd. ten dan lova balu leh Lung an lak thin chu titawp turin Youth for Environment Justice Mizoram (YEJM) chuan Champhai District Bawrhsap an ngen.

YEJM chuan Champhai Zote leh Hnahlan khaw ram, Tiau lui-a balu leh lung hi an VC te remtihna in Sunshine Overseas Pvt. Ltd. ten an la a. Phalna pe tur hian VC ten thuneihna an neih loh bakah Environment/Forest Cleareance an nei lova hriat a ni a. Hnathawktu Sunshine Overseas Pvt. Ltd. hian Mizoram Minor Concession Rules 2000 (Section 13) an zawm lo tih hriat a ni tih an tarlang a. Hei bakah hian National Green Tribunal in State leh UT te zawm tura a tih balu lak kaihhnawiha inkaihhruaina chu an zawm lo tih lehkhaah hian an ziak lang bawk a. Balu leh lung an lakna ah hian luia nungcha tan damchhuah ngaihna a awm lova. Khawtual mite tan lui nungcha hmanga eizawnna leh kut sa zawn tur pawh a awm tawh lo, an ti a ni.

YEJM chuan Environment thlirna atang chuan lui-a balu leh Lung lak hi thil rapthlak tawpkhawk nia sawiin, Dan pawhin khauh takin a khap tih an sawi a, tuna Lung leh Balu lak avang hian kawngpui ang maiin Tiau lui hi a mam vek tawh nia sawiin, Champhai Bawrhsap chu a rang thei ang bera tihtawp tir turin an ngen a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni