Serchhip-ah Students’ Science Seminar nei

Zonuna Kawlni /
District Education Officer (DEO) Office, Serchhip leh SCERT buatsaihin nimin khan Serchhip P&E Veng-a BNRGSK Hall-ah Serchhip District Students Science Seminar neih a ni a, he hun hi Serchhip DEO, Lawmawma chuan khuallian niin a hmanpui a ni.
Serchhip District chhunga High School hrang hrangte tana Student Science Seminar-ah hian DEO chuan Science Subject pawimawhna sawiin, Science Subject tello chuan tunlaiah a khawsak hleih theih tawhloh tih a sawi a, khawvel ram changkang apiangte hi Science & Technology a sang an ni tih sawiin, hei vang hian India ram leh keini, Mizoram-ah pawh Science subject hi kan uar a \ul hle tih a sawi a. He hun hmanna a kalkhawm High School zirlai naupang te chu ruihtheih thil laka fihlim tura chahin, zirlai \ha leh hlawhtling ni tur chuan zuk leh hmuam leh ruihtheih thil-a fihlim a \ul thu a sawi bawk.
Nimin-a Serchhip District Science Seminar neih ah hian thupui atan 'Industrial Revolution (IR) 4.0 : Are we prepared?' tih chu hman a ni a, he hunah hian Serchhip District chhunga High School hrang hrang a\angin zirlai 9 telin he thupui hmang hian Presentation an nei a, a pumpuiah Isabella C. Vanlalhruaii, Class-IX, St. Peters H/S Chhingchhip chu pakhatna niin Cristina Malsawmtluangi, Clss-IX, Marian H/S Serchhip chu pahnihna an ni a, heng mi pahnih te hian tun thla ni 14-a State Level Science Seminar neih turah Serchhip District ai an awh ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »