Wednesday, 26 September 2018

Swachhagrahiyo Ke Swachha-grahi pualin hun hmang

Nimin September 25, 2018 khan Swachh Bharat Mission (G) PHED buatsaihin Lal Than-hawla Higher Secondary School, Serchhip-ah Observation of Swachhagrahiyo Ke Swachhagrahi hman a ni.
Swachhagrahiyo Se swachhagrahi puala hun hman ah hian Samuel Lallawmzuala, Distric Coordinator, Swachh Bharat Mission (Gramin) Serchhip chuan mitin in mawhphurhna hrang hrang kan nei tih sawiin, zirtirtu chuan nitin zirtirna hna a pek khan a mawhphurhna a hlen a, zirlai naupang chuan kan zirlai kan zir \hat hian kan mawhphurhna kan hlen a, Faina lamah erawh chuan mawhphurtu bik kan awm lova, kan zavai a mawhphurhna a ni, a ti a. Faina chu mitin mawh-phurhna a ni tih hre thar ila a duh thu sawiin, fina lama hma kan sawn zel theih nan kan mawh-phurhna \euh hlen tumin midangte kawhhmuhtu nih tum teuh turin zirlai te a sawm a ni.
He hun hmanna ah hian Faina thu chham rualna hun Zothanpuia, Data Entry Operator SBM (G) kaihhruaina hnuaiah neih a ni a, hemi hnu hian Cleanliness Drive neih leh niin zirlai naupang te leh zirtirtute leh Swachh Bharat Mission Staff ten New Serchhip Venglai a\anga College peng thleng bawlhhlawh chharin hun an hmang bawk a ni. He hun hmanna ah hian zirlai naupang 180 leh zirtirtu leh SBM staff, an vaiin mi 190 vel an tel a ni.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018