Hmarchhak biala In sakna hmanrua atana Mau hman tangkai chungchang zirhona nei

Hmarchhak biala In sakna hmanrua atana Mau hman \angkai chungchangah nimin khan Aizawl-ah 'National Workshop on Bamboo Utilization' neih a ni a, he hun hi Finance Minister, Lalsawta chuan khuallian niin a hmanpui a ni.

Aizawl New Secretariat Conference Hall-a he Seminar hawnna hunah hian Finance Minister, Lalsawta chuan, “Mau kan nei tih kan hria a, kan ngah hle tih pawh kan hmu vek a; hlawkpuina tham a ni tih pawh kan hria a ni. Mahse a hmalatu ten hunrei tak an lo kalpui tawh a\ang hian Mau hmanga hauhsak kan tumna kha chu tuna kan thlen chin hian a la pha lo hle,” a ti a. Mau chi dang phun belh aiin Mizorama Mau chi hrang hrang awm mek te hman \angkai dan zawn hmasak chu a kawng hmang dik zawk nia a rin thu sawiin, Bamboo Project siam a nih leh dawn chuan te tak te te - Fragmented Projects chu siam ni tawh lo se tih sawrkarin a duh tih a sawi a. “Mizoram ang state te zawk te tan chuan Project tesep tam tak aiin Project liantham pahnih khat a \angkai zawk a ni,” a ti bawk.

National Workshop on Bamboo Utilization a mithiamte sawi dan chuan India ram chhungah Mau leh Rua, a huhova lam nan Mau (Bamboo) tia sawi, chi hrang hrang 125 vel zet a awm a; North East Region-ah Mau chi hrang hrang 50 bawr vel a awm a, Mizoram-ah chuan Mau chi hrang hrang 25 bawr vel a awm a ni.

Sawrkar thuchhuah tarlan danin Mizoram hi a zim naa a zau zawnga chhuta Mau chi hrang hrang awm tamna leh \hat duhna ber, a State pumpui hmun thuma \hena hmun hnih a nih avangin 'Bamboo State' tia vuah a ni a. Mithiamte chuan tlo zawk tura sawngbawl, Mau thah (Treated Bamboo) chu kum 50 vel thleng chhe lo tura ngaih a ni tih an sawi a. Mau thahloh (Untreated Bamboo) erawh kum 4 vel bak hman tlak a ni lo thung a. Mau chu Kahpathir tluk zeta khawng, In sakna atan pawh Cement, Balu leh Rawra te nena chawhpawlha Concrete Structure siamna atan hman theih a nih thu sawi a ni. Mithiam te chuan Environment humhalhna atan leh lirnghing laka a him zawk avang te leh kahpathir tluk zeta a tlo tho a vangin Engineer leh Architect te pawn Mau hmanrua hman uar zawk a nih theih nan ngaihtuahna seng se \ha an tih thu an sawi a. Ram hruaitu leh sumdawnglian te pawn an ngaihven a ngai a ni, an ti.