Aizawl-ah Siktuithiang Kut hman a ni

/
MHIP General Hqrs. leh Art & Culture Department \angkawp te buatsaihin nimin khan Aizawl Sipai Lammual-ah Siktuithiang Kut hman a ni a, he hun hi Art & Culture Minister, R. Romawia chuan khuallian niin a hmanpui a ni.
Siktuithiang Kut hawnna hunah hian Art & Culture Minister chuan MHIP General Hqrs. leh Art & Culture Department ten Mizo hmeichhiate insuihkhawm nan a Siktuithiang Kut an buatsaih chu lawmawm a tih thu sawiin, Mizo hmeichhiate hian kan Mipa te lakah hian kawng hrangah himna kan mamawh a, chung himna pe thei tur chuan Mizo mipa ten \an kan lak thar a ngai a ni, a ti.
He hunah hian Art & Culture Director, R Hmingthanzuala chuan Siktuithiang lam chu Kristian kan nih hnu a lo piang a ni tih sawiin, kan hnam lam dangte aia naupang deuh ni mahse Zo nun zemawi- Tlawmngaihna, rinawmna, taimaknate leh Zo hnahthlak inpumkhatna atan leh kan hnam zepui vawn nun zel nana hmang \angkai turin a sawm a. MHIP General Hqrs. President, Saipuii chuan kan tu leh faten kan hnam zai leh lam an chhawm nun zel na atan he Siktuithiang Kut hi buatsaih a nih thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »