Serchhip District-a BBBP kalpuina tura ruahmanna pawm

Serchhip District Task Force on Beti Bachao Beti Padhao (BBBP) chuan Serchhip District-a BBBP kalpuina tura sawrkar laipui in sum a rawn pek a taka kalpuina tura ruahmanna chu an pawm.

Nimin khan Sechhip District Task Force on Beti Bachao Beti Padhao (BBBP) hi an Chairman Serchhip District Bawrhsap, Sangchhin Chinzah hovin a Office Chamber-ah an \hu-khawm a, he hunah hian Bawrhsap chuan Central Scheme \ha leh hlu tak BBBP Serchhip District in a dawng chu lawmawm a tih thu leh a kalpui dan tur Action Plan te pawh a \ha tawk hle a a hriat thu a sawi bawk.

Bawrhsap chuan he ruahmanna kalpui tura a taka thawhna tur sum sawrkar laipui in zaa 50 (50%) chu an rawn pe fel tawh tih sawiin, he sum hmang hian Line Department ten an chanpual \heuh te \ha taka an tih a \ul dawn tih a sawi a. BBBP kalpui \ha, India ram huap pawha a ti\ha lawmman dawng tlak ngeia beih tum turin member te a fuih a. Hmalakna tinreng te Documentation \ha taka neih tur a nih avangin Department tinten an hmalakna tur apiang DIPRO hnenah mumal taka thlen zel turin a hrilh bawk.

Beti Bachao Beti Padhao Scheme hi Serchhip District tan kumin 2018-19 ah kalpui \an tur niin, a taka kalpui a nih theih nan District Task Force (DTF) din niin DTF hian Action Plan a siam a. Chu Action Plan chu Central-a Ministry of Women & Child Development ah thehluh niin an ni hian an lo pawm a ni. He Scheme atana sum ruahman cheng nuai 50 a\angin tunah hian a zatve dawn phawt a ni a, he sum dawn hmasa zawk hmang hian Serchhip District chhungah naupang leh hmeichhiate chawikanna lam Awareness & Campaign chi hrang hrang 17 kalpui a ni dawn a ni. Nimin a Meeting-ah hian Serchhip SP, R. Sathiyasundaram, IPS, Chuauhnuna, Addl. DC leh member dangte an tel a ni.