YMA Rising Day lawmna MLA in hmanpui

Hrangturzo bialtu MLA, Vanlalawmpuii Chawngthu chuan nimin khan an bial chhunga Piler khuaah Branch YMA Rising Day vawi 72-na a hmanpui a, Khawlailung VC Volleyball Tournament hawnna a hmanpui bawk.

Piler Branch YMA Rising Day lawmna Piler Community Hall-a neih ah hian bialtu MLA chuan YMA chu Zofate zawng zawng kan lenna a nih thu leh YMA member zawng zawngte chu Kristian nundan \ha ngaisangtu mai nilova nunpuitu ni turin a chah a. Zofaten hmasawnna kan neih zel theih nan YMA thupui Zafate hmasawnna ngaihtuah tih chu chawi nung zel turin a chah bawk. Hei bakah hian nakum-a YMA General Conference lo awm tur chu a bial chhung N. Vanlaiphai khuaa nghah ani chu lawmawm atih thu sawiin, tun a\angin inbuatsaihna pawh thawh \an nghal anih thu a sawi a, he hun atan hian bial chhung mipuite chu a thlengtu tur bial an nih anga \ang tlang turin a sawm bawk.

Hemi hnu hian Khawlailung VC Volleyball Tournament hawnna inkhawm Khawlailung Volleyball Court-a neih chu bialtu MLA hian hmanpui lehin sawrkarin \halaite hmasawna tur tam tak a ngaihtuaht e a hlawhtlinna kan hmu zel a ni, a ti a. Infiamna chi hrang hrang atan hmunhma \ha tak tak buatsaih anih chuan rah duhawm tak a chhuah zel tih sawiin, \halai ten rampum huap inelna chi hrang hrangah lawmman an dawn thu hriat tur a awm \hin chu lawmawm a tih thu leh tun aia nasa lehzuala hma kan sawn theih nan \an la thar zel turin infiam mite a chah bawk. He hunah hian bialtu MLA chuan Khawlailung faina atana mipui ten kawngpui dunga bawlhhlawh an chharkhawm chu a halral nghal bawk.