DEO hovin Election atana Nodal Officer inhmukhawm

Mizoram Assembly inthlanpui lo awm tur atana Serchhip District-a mawhphurhna pawi-mawh tak tak kengtu atana ruat Nodal Officers te chu nimin khan Serchhip District Election Officer, Sangchhin Chinzah hovin a Pisa-ah an \hukhawm.

He \hutkhawm ah hian Bawrhsap, Sangchhin Chinzah chuan inthlanpui lo awm tur atana inbuatsaihna lamah kan rilru te kan pek a \ul tawh tih sawiin, Office hour chhung ringawt Office lamah awm tum lova inbuatsaih chhoh a \ul tawh thu a sawi a. Nodal Officers tinte chu an hnathawh dan tur kalhmang inziahna lehkhabu te a kipakawia an hriat a tul tawh thu hrilhin, an hnathawh \hat za tam tak a awm laiin an tihpalh thil pakhat maiin a ti hminghliau hlauh thei a ni tih hre renga, engkimah fimkhur tak leh dan ang thlapa kal a pawimawh thu a sawi bawk.

Nimin a Meeting ah hian Nodal Officers hrang hrangte chu an mawhphurhna \heuhva an tih tur leh hmalak dan turte chipchiar taka sawipui zel niin, an hriatchian loh emaw, zawhna an neihte pawh zawtin sawiho nghal zel a ni a. Mawhphurtu siam rem ngai awm thei te pawh sawiho a ni bawk. He Meeting-ah hian Serchhip District-a Nodal Officers te an tel \ha hle a ni.

Hetihlai hian kumina MLA inthlanpui neih tur atan hian sawrkar leh Political party te chu ngawrh takin an inbuatsaih mek bawk.