Friday, 28 September 2018

Serchhip-ah Children Science Congress neih a ni

Nimin khan RMSA Serchhip District Project Office buatsaihin Serchhip-ah District Level Children Science Congress-2018 neih a ni.
Ser-chhip P&E Veng BNRGSK Hall-a District Level Children Science Congress-2018 khual-lian nia hmanpuitu Serchhip DEO, Lawmawma chuan tunlai khawvel hmasawn zelah Science pawimawhna chu a nasat zel thu sawiin, hei vang hian sawrkar pawhin Science zirna chu ngai pawimawhin zirlaite tan pawh hetiang intihsiakna hi buatsaih a ni ta deuh reng tih a sawi a. Tunlaia khawvel ram changkang kan tih te chu Science & Technology-a sang te an nih thu sawiin, he huna tel zirlaite chu he hun hi an zirlai ah hmasawn phah nana an hman ngei a beisei thu a sawi bawk.
He hunah hian Science Teachers Association of Mizoram (STAM)-a Serchhip District Coordinator, Saihmingthanga Sailo chuan District Level Children Science Congress-2018 buatsaih tura hma an lak dan te sawiin, District Level Children Science Congress-2018 atan hian zirna In te tan inbuatsaih dan tur zirhona neih niin kumin ah hian High School Section-ah School 5 a\angin zirlai ten Project 7 an entir thu leh Middle School Section-ah High School 2 a\angin Project pathum entir a nih thu a sawi.
Kumin a District Level Children Science Congress-2018 ah hian 'Science, Technology & Innovation for a Clean, Green and Healthy Nations' tih thu Thupui-ah hman niin hemi hmang hian zirlai ten intihsiakna an nei a. Middle School Section-a Apisana leh Lalhriatpuii, St. Peters’ M/S te chu pakhatna niin Carmely Lalbiak-tluangi leh C. Sangrothangi, St. Peters’ M/S vek chu pahnihna an ni bawk. High School Section-ah Lalrempuii leh John Zonuntluanga, Marian H/S chu pakhatna niin Vanlallawmzuala leh Moses Lawmsangzuala, St. Peters’ H/S chu pahnihna an ni a, heng mite hi State Level-a intihsiakna ah Serchhip District aiawhin an tel dawn a ni.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018