MPCC in R. Lalzirliana insawifiah turin an ti

Mizoram Pradesh Congress Committee (MPCC) hnuaia Disciplinary Committee chuan an Vice President, R. Lalzirliana chu show-cause notice pe in, hrem a nih loh chhan tur tunkar Zirtawpni tlai dar 3:00 hmaa sawifiah turin a hriattir.
Aizawl a\anga chhuak chanchinbu, The Frontier Despatch (TFD) in a tarlan danin kar hmasa chawhnu lam khan Congress General Secretary, Lalpianthanga kaihhruai Disciplinary Committee chu an \hukhawm tawh a, an thurel bawhzuiin R. Lalzirliana hi kawmin \ha taka inkawmna an neih hnuah, Thawh\anni (September 10) khan Congress Bhavan-ah party tana a rinawm thu puang tura tih a ni a, amaherawh chu Conference of District Commissioners and Superintendents of Police, Legislative Assembly Annexe Conference Hall-a neih ah Chief Minister, Lal Thanhawla, Finance Minister Lalsawta leh Revenue Minister R. Romawia te nen an tel tak avangin Thawh\anni khan Bhavan-ah hun a hmang leh ta lova. A tuk Thawhlehni-ah chuan Bhavan-ah hun a hmang dawn emaw an tih laiin a damsam loh avangin pisa pawh a kai lova, Bhavan-ah pawh hun a hmang leh ta lo a. Hei vang hian insawifiah turin an ti ta a ni. Hetihlai hian R. Lalzirliana chuan nimina amah kawmthu thuthar thehdarhtute hnenah hetianga insawifiah tura an ti chu a hriatthiam loh thu leh he thil lo chhuah danah a chunga diklo taka thil tih tum an awm ngeia a ngaih thu a sawi bawk.

Popular posts from this blog

PAN CARD an tih teh fo hi - Laldinpuia