Monday, 17 September 2018

Lumpsum School 9-a zirlai ten Adhoc Aided-a an School dah ngiatin Aizawl-ah kawng an zawh

Mizoram Govt. Lumpsum Grant-in- Aid Higher Secondary School pakua (9)-a zirlaite chuan Adhoc Aided a an School hlankai phutna kal zelah Inrinni khan Aizawl Chanmari Kawn a\anga Vanapa Hall kawt thleng kawng an zawh.
He Kawngzawh a tel zirlaite hi - Farkawn HSS, E. Lungdar HSS, NE. Khawdungsei HSS, Phullen HSS, Sakawrdai HSS, West Phaileng HSS, Zobawk HSS, Thingsulthliah HSS leh Zawlnuam HSS te niin he hun hmang tur hian an aiawh zirlaite \heuh Aizawl ah lamkal tirin Mizoram sawrkar laka an thilphut lantir hian zirlai 300 chuangin kawng hi an zawh a ni. Kawngzawh huaihawttu Joint Students' Union te hi Tuichangral Zirlai Pawl (TCZP), Tuipuiral Zirlai Pawl (TZP), Sinlung Hills Students' Union leh anmahni khawchhuak Aizawl-a awm te'n an thlawp bawk.
He kawngzawh-a tel zirlaite hian "Zirlaite hmangaihtu Sawrkar kan mamawh" tih te, "Zirlaite hmangaihna neilo Sawrkar - Bang rawh se", "Kan result hian Adhoc Aided hi chu a phu asin " tih leh "Mizoram sawrkar hian Adhoc Aided School min pe ngei rawh se" tiin an au rual a, Zirlai Pawl hruaitu hrang hrangte'n thusawina an nei bawk. Lumpsum School zirlai hruaitute chuan an thilphut chu Mizoram sawrkarin a tih hlawhtlin sak ngei an beisei thu sawiin, he huna tel te chuan ‘Adhoc Grant-in-Aid kan demand hi kan sawrkar hian a term chhung ngei hian min tihsak rawh se. Min tihsak lo anih chuan min tihsak thei tur sawrkar siam turin hma kan la ang,’ tiin Resolution siamin an pass bawk.
Lumpsum Grant-in-Aid HSS te hian July thla khan Adhoc Aided a hlankai phutin zirna kar khat chhung an lo chawlhsan tawh a, August thla khan kawng te an dang a. Heng school pakua te hi 2006 hmalam a din vek niin zirtirtute hlawh leh School inen-kawl nan kum khatah Mizoram sawrkar in Rs. 140,000/- \heuh a pe \hin a, hei hi an khawp kham loh thu leh Sawrkar School aia result nei \ha \hin an nih thu leh zirlai pawh \hahnem tak an awm tih sawiin, tunah pawh zirlai 850 lai an awm tih an sawi a ni.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...