CCC in YMA Rorel Inkhawm-a ngaihtuah tur Agenda thlitfimna an nei

Central YMA rorelna sang, Central Coordination Committee (CCC) \hutkhawm chu nimin khan Aizawl-a Central YMA Committee Room-ah neih niin YMA Rorel Inkhawm neih tura Agenda chhawpchhuah tur an sawiho.

YMA General Conference neihloh kuma neih \hin, YMA Rorel Inkhawm hi Oct. 19, 2018 khian Aizawl-a Vanapa Hall-ah neih a ni dawn a, he huna ngaihtuah tura rawtna lut hrang hrang zingah CCC \hukhawm chuan YMA khawih-a 7 leh Sawrkar khawih-a 3 te chu Rorel Inkhawm a ngaihtuah tura chhawpchhuah an remti a ni.

Nimin a CCC \hukhawm in Agenda rawtna an pawm zingah hian Mizoram Kohhran hrang hrang ten ram leh hnam humhalhna kawngah thawhhona leh inpumkhatna \ha zawk an neih theih nana hmalak rawtna te, Thingtlang lama zirna a lo \hat zawk theih nana hmalak rawtna te, Mizo hnam incheina te Patent tur leh Mizo \awng humhalh kawnga hmalak rawtna te, Zu leh Ruihhlo do kawngah tun aia nasa leh chak zawka Branch tin ten hma an lak theih nana hmalak rawtna te, Ration Buhfai leh Gas mipui ten buk dik leh tling a an lak theih nan Central YMA in chak zawk leh rualkhai zawka hmalak rawtna bakah Mizo hmeichhia ten hnamdang pasal (Tribal-in Nun Tribal ) an neihin, Schedule Tribe Status hlihsakna tur ‘Social Custom Bill’ Mizoram Legislative Assembly-a pass a nih theih nana hmalak leh National Register of Citizens (NRC) chu Mizoram-ah kalpui ve a nih theih nana hmalak te a tel a ni.