Tuesday, 18 September 2018

Home Minister banna pawm a ni ta

Home Minister, R. Lalzirliana’n Minister a nihna a\anga banna a thehluh chu nimin khan Mizoram Larsap chuan a pawmpui.
Hemi chungchanga sawrkar thuchhuah tarlan danin Zirtawpni kaltaa Home Minister, R. Lalzirliana’n Cabinet Minister a nihna a\anga banna Chief Minister hnena a thehluh chu Chief Minister thurawn angin nimin khan Mizoram Larsap chuan a pawmpui ta a, nimin vek khan sawrkar chuan thuchhuah siam nghalin R. Lalzirliana’n Department a enkawl hrang hrang- Home Department (Prison leh Sainik Welfare & Resettlement telin), Power & Electricity Department, Rural Development Department leh Excise & Narcotics Department te chu Chief Minister, Lal Thanhawla chuan a enkawl zui rih dawn a ni.
Tun Ministry dinglai ah hian Minister a\angin mi 4 ten banna an thehlut ta a, heng mite banna hi sawrkar chuan a pawmpui vek a ni. August ni 18, 2015 khan PWD Minister, Lal Thanzara chu Sunshine Overseas Pvt. Ltd.-a share a neih chungchanga puhna ah Minister leh MLA a nihna a\angin a bang a. February ni 15, 2017 khan LE&IT Minister, Lalrinmawia Ralte chu NIAS Kolkata-a zirna In lema zirlai tirh chungchangah Minister a nihna a\angin a bang leh a. August ni 21, 2017 khan Sericulture, Fisheries Minister, Dr. BD Chakma chu Mizote tana thil \halo chi hrang hrang ti nia puh a nih angin Minister a nihna a\angin a bang leh a. Tunah hian Home Minister, R. Lalzirliana chu a bang ve leh ta a. Heng Minister te bakah hian MYC Chairman, T. Sangkunga pawh a nihna a\anga bangin Parliamentary Secretary mi 7 te pawhin banna an lo thehlut tawh bawk a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP