Ramri ngaihtuahtu tur Core Committee \hukhawm

Mizoram sawrkar-a Principal Secretary Home Department, Lalnunmawia Chuaungo kaihhruaia din Mizoram leh Assam ramri chung-chang ngaihtuah tu tur Comittee sang Core Committee din thar \hutkhawm hmasa ber chu neih a ni.

Principal Secretary Home Department kaihhruaia a Pisa-a he \hutkhawm ah hian Committee hmasa in hma a lo lak tawhna hrang hrang te thlirhona neih niin kumin August 9 leh 18 inkar chhung khan Mizoram leh Assam ramri Survey of India in alo rinsak chu a hmuna kal a enfiah a ni tawh a. Tuna Survey of India in Assam leh Mizoram ramri a siamsak chu ngaihruat rin mai a nih zia te hmun tam tak a hmuhchhuah a ni a, hei bakah hian Servey of India in ramri a siam lai hian Mizoram sawrkar emaw, Assam sawrkar emaw a rawn loh bakah ramri hrula chengte kawmna neih ni mah se ramri hrul a chengte pawhin hetiang ramri chungchang buaipui thawm a awmloh thu an lo sawi hlawm bawk a. Assam leh Mizoram ramri chungchang hi Topo Sheets (Topographic map) hmangin hun remchang hmasa ah chiang zawka zirchian leh nise an ti a ni.

He Meeting-ah hian Shillong leh Guwa-hati-a British hun lai a\anga Assam leh Mizoram ramri chungchang inziahna document kimchang lakchhuah nise, hemi chungchang leh a kaih-hnawih document awm zawng zawng lakchhuah tura ruahmanna siam a ni bawk a. Guwahati leh Shillong a an duh ang document a awm lo a nih chuan National Archives leh Bengal Archives te a\ul anga dapchhuah nise tih a ni bawk a. Mizoram leh Assam ramri chungchanga document duh ang te hmuh a hlawm fel a nih huna Ministry te nen sawihoa Sawrkar laipui a thlen a, Sawrkar laipui kaihhruaina hnuaia Assam leh Mizoram sawrkar te nen Assam-Mizoram ramri chungchang hi sawiho leh tur a ni dawn a ni.