Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Organisation (NACO) hotute chuan nimin khan Lunglei DC Conference Hall-ah Official-te, HIV lama thawktute, khawtlang hruaitute leh tlawmngai pawl aiawhte an kawm a.
HIV/AIDS chungchanga Mizoram, a bik takin Lunglei District dinhmun te sawiho niin HIV/AIDS dona a hmalak zel dan tur an sawiho. He huna tarlan anih dan chuan rampuma HIV hluar dan report ‘HIV Estimations 2017’ Technical Report ah puitling kum 15-49 inkarah Mizoram chu HIV hluarna ber State a ni a. Mizoram dawtah hian Manipur chu pahnihna niin Nagaland chu pathumna a ni. HIV hluarna ber State a nih bakah Mizoram chu HIV kai thar tamna ber State a ni mek bawk. Mizoram State AIDS Control Society (MSACS) chhinchhiah danin, Mizoram-a HIV hrik pai hmuhchhuah \an a\anga August 2018 thleng khan Mizoram pumah HIV hrik pâi 18,007 hmuhchhuah an ni tawh a, HIV kai thar zingah hian mipa hmei-chhiatna a\anga kai an tam ber a ni.

Comments

Popular News (Last 30 Days)