Drug license nei 166 awm

Serchhip District chhungah Drug License 166 awmin Drug license 8 chu cancel a ni tawh.
Serchhip-a Food & Drug Administration-a Asst. Director, Sarah Laldintluangi sawi danin Serchhip District-a Drug License tam ber hi License tenau, Restricted License niin he License nei hi 148 zet an awm a, Pharmacy nei-a damdawi zawrh phalna (General License) nei 14 awmin Wholesale License nei pakhat (1) an awm bawk a, hei bakah hian Homoeopatic (Ayurvedic) dam-dawi zawrh phalna nei mi 3 an awm bawk. Serchhip District-a damdawi zawrh phalna nei zingah mi 8 te chu chhan hrang hrang avangin an License tihtawp a ni tawh a, License Renew loh, tih tih tur 27 a awm mek a, kum 2017-2018 chhung hian License 22 pekchhuah niin heng te zinga a tam ber hi thiangtlang khua, damdawi dawr awmlohna leh a awmsa ten mipui mamawh an phuhruk zawhloh avanga pek belh a ni tih a sawi bawk.
Serchhip District-a Food & Drug Administration hian kum 2015 July thla a\ang khan damdawi hmansuala ruih theih pawh \hahnem tak man tawhin khuh damdawi bur 128 an man tawh a, Spasmolar lam chi mum 14,324, Peptica mum 6455, Alprazolam mum 244, Librium mum 310, Diazepum mum 200 leh Tramadol mum 577 an man tawh a, damdawi enfiah tur chi 57 thawn tawhin heng zingah hian damdawi himlo pakhat hmuhchhuah a ni tawh bawk.

Popular posts from this blog

PAN CARD an tih teh fo hi - Laldinpuia