ICFAI-ah Tri-National Conference neih a ni

Mizoram sawrkar-a Planning & Programme Implementation Department leh Department of Political Science, ICFAI University Mizoram buatsaihin nimin khan ICFAI University-ah ‘Tri-National Conference of India, Bangladesh and Myanmar on Regional Cooperation through Mizoram’ tih chu hman a ni a,

he hun hi Mizoram Larsap, Kummanam Rajasekharan chuan hmanpuiin hmarchhak bial chu India mai bakah Asia chhima ramte tan hmun pawimawh tak a nih thu sawiin, ei leh bar, eizawnna siam, industry din chungchangah leh hmasawnna hrim hrima ramdangte a la phak loh thu a sawi a. Tri-National Conference chuan ram insumdawntawnna, ram venhim leh ruihhlo tawlh chungchang ah sawihona remchang a siam tur thu a sawi bawk.

He hunah hian Khual zahawm Planning Minister, Lalsawta chuan Conference chuan ram pathumte inkara thawhhona \ha nei thei tura remchanna a siam theih a rin thu a sawi a. Ram a ralmuan chauhin hmasawnna hna a thawh theih tih sawiin, \henawm ramte nena inrem taka khawsak a pawimawh thu a sawi a. Remna hnuaia insumdawntawnna te chuan hmarchhak bial tan \hatna a thlen tur thu sawiin, he conference hian mahni ngaihdan sawichhuana remchang a siam dawn a ni, a ti bawk.