Saturday, 15 September 2018

ILP-ah kan fimkhur tlan a \ul

ILP-ah kan fimkhur tlan a \ul

Nizan hmasa mai khan Mizoram hmun hrang hrangah dan lova Mizoram-a awm te dapchhuah hna thawh a ni a, Serchhip khaw-pui chhungah pawh hnamdang awm te ngun taka enfiah an nih hnuah dan lova awm nia hriat mi 19 manchhuah niin heng zinga mi 13 te chuan an Permit an buaipui mek tih an finfiah theih avangin chhuah leh niin midang 6 te erawh chu Permit neilo an nih avangin Court-ah hruai an ni a. Hetianga phalna nei lova kan ramchhunga hnamdang lo lut dap-chhuah an nih apianga man tur kan nei ta deuh ziah mai hi ngaihtuah chian chuan a lungawi thlakloh hle a ni.
Mizoram-ah hian hnamdang kan tih \hin te tan hian rawn lut tur chuan Inner Line Permit (ILP) neih a ngai tih chu kan hre \heuh tawhin a rinawm a, chutih karah chuan hnam-dang te hian a ruka rawn luh an tum ve fo si avangin dan leh thupek kenkawh hna thawk \hintu kan Police te pawhin \an an lak nasat viau a ngai a, chutihrual chuan heng hnam-dang te hian a rukin Mizoram pawh rawn lut se hnathawh tur an neih loh chuan rei an awm peih dawn chuanloh avangin Mizo mipui nawl-puite hian hnathawktu chhawr chungchangah hian kan fimkhur ve a ngai hle a ni.
Hei bakah hian heng hnamdang te hian Mizoram-a rawn lut tura ILP an lak dawn hian ram leilungfa te a\angin sponsor tu an neih ngei a ngai bawk a, hetianga hnamdang sponsor tu te hian heng hnamdang kan chawk-luh te awmdan ah leh an hnathawh zelah hian mawhphurhna kan neih te kan hriat a ngai a. Dan in a phut ang thlapa heng hnamdang te hi kan lachhuaka kan hman zawh hnua kan kir tir leh a nih chuan tuna kan harsatna tam tak hi kan pumpelh a rinawm a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...