Thursday, 20 September 2018

Serchhip-III ah Social Audit

Nimin zing khan Serchhip-III VC huam-chhung ami te tan MGNREGA hnathawh inzawh-fiahna leh endikna hun, Social Audit neih a ni.
Serchhip-III VC huamchhung ami te tana MGNREGS Social Audit hi Serchhip-III VCP, PC. Siamliana chuan kaihruaiin Mimi Lalhruai-tluangi, MGNREGA Auditor, Social Auditor Unit Aizawl chuan Social Audit Unit Record awmsa a\anga hnathawh tawh te enfiah a nih thu a tarlang a. Hnathawh hi a tlangpuiin a \ha thawkhat a, nikhata Rs. 194/- hlawha thawh tak tak theih a nih loh avanga hnathawh dan kalphung herrem a hlawhfa hmanga thawh chu hriat ni tho mahse official chuan pawm a nilo na in mipui ma-mawhna anga kalpui chu a \ul bawk si tih a sawi.
He hunah hian MC. Zirsangliana, APO pawhin Serchhip-III VC te chu hnathawk \haa hriat an ni a, khaw chhungah hnathawh a lang tih sawiin, huan-a hna thawh sak zingah thawk \ha lova pawisa hum tum te avanga mualpho theih a nih thu a sawi a. VEC ten \ha taka hna an thawh theih nan mipuite pawhin thu an awih a ngaih thu a sawi bawk.
Serchhip-III VC huamchhungah hian VEC te chuan huan-a hnathawhna tur sum ruahman sa huan neitute hnena pek \hin chu mit tlunga hna thawh a nih theih nan huan neitute pe tawh lovin hlawhfa hmanga thawhtir tum a nih thu an sawi bawk.
Nimin a Serchhip-III Social Audit-ah hian an VC huamchhunga MGNREGS hnuaia hmalakna hrang hrang te tarlangin, mipuite a\anga zawhna awm te pawh chhan nghal niin Job Card nei te a\angin mi 64 an tel a ni. MG-NREGS Social Audit hi Serchhip District khaw hrang hrangah neih mek a ni.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...