CM in NCC Battalion thar Lunglei-ah a hawng

Mizoram chhim lam NCC Cadet-te bialtu tur 2nd Mizo Battalion chu nimin khan Chief Minister, Lal Thanhawla chuan Lunglei Electric Veng-ah a hawng.
Nimin-a NCC Battalion thar hawnna hunah hian Chief Minister, Lal Thanhawla chuan Mizoram-a NCC Battalion thar din belh India hmarchhak NCC enkawltute hmalakna rah a nih thu sawiin, an chungah lawmthu a sawi a. NCC chu sipai a lut duhte tan inpuahchahna \ha a nih vangin eizawnna zel atan a thil \angkai a nih thu a sawi a. Sipai-a luh zui zel tum kherlo tan pawh mahni nun invawnna kawnga leh khua leh tui \ha nihna kawnga inzirtirna \ha a nih tel thu a sawi bawk.
Chief Minister chuan Mizorama NCC Battalion te thuam tha tura kawng hrang hranga hmalak a nih thu sawiin, Tuirial Airfield chu NCC Flight Training leh \ul dang atana ruahman mek a nih thu te, Flight Simulator lei a nih tawh thu te leh reilote a Flight Training neih \an tum a nih thu te a sawi a. Air Wing chu India hmarchhak pumpui tan a nih tur thu a sawi bawk a. 
Nimin a hawn tak 2nd Mizo Battalion NCC hian Lunglei, Serchhip, Siaha leh Lawngtlai a zirna In- College 5 leh High School 14-a NCC Cadet te a enkawl anga, Cadet 3520 awmna tura ruahman niin he Battalion-a mamawh tur ang ang te chu kumthum chhunga dah fel hman tum a ni bawk. Sawrkar laipuia Ministry of Defence chuan he Battalion enkawl tur hian Officer 2, JCO 8 leh NCO 18 a dah tawh a, Mizoram sawrkarin Civil Staff a pe thung ang. 2nd Mizo Bn. NCC din thar luah turin Printing & Stationeries Building, Ramthar Veng, Lunglei chu en ni tawhin building insem dan tur pawh ruahman fel a ni tawh bawk.
Nimin a NCC Battalion thar din a nih rual hian Commerce and Industries Department hnuaia Agri-Marketing & Training Infrastructure sak tur lungphum phum pawh Chief Minister, Lal Thanhawla hian a phum nghalin Skill Development Training Centre pawh a hawng nghal a. Chief Minister chuan Skill Development Training Centre chu \angkai taka hman a nih ngei a beisei thu sawiin, Agri-Marketing & Infrastructure pawh ruahman anga din chhoh ngei a duh thu a sawi a. Kuthnathawktute tana sawrkarin kawng hrang hranga hma a lak sak dan pawh a sawi bawk.
Agri-Marketing Centre sakna tur hian cheng nuai 1082.93 ruahman niin NABARD kaltlanga hmuh a ni a, chhawng 5 awm tura ruahman a nih bakah Floor hnih chu MYC Coaching Centre leh Hall atan ruahman a ni a. Skill Development Training Centre hawn tak hi ASIDE Scheme leh NEDP a\anga sum hmuh cheng nuai 243 senga sak niin chhawng li (4)-a sang a ni bawk.

Popular posts from this blog

PAN CARD an tih teh fo hi - Laldinpuia