Mizoram World Bamboo Day (North East Region) Chief Minister hovin Aizawl-ah hman a ni

Mizoram World Bamboo Day (North East Region) chu nimin khan R. Deng\huama Indoor Stadium, Mualpui-ah hman a ni a, he hun hi Chief Minister, Lal Thanhawla chuan a hmanpui a ni.
World Bamboo Day puala India hmarchhak state-ten kumtin a huhova programme an hman \hin, Mizoram World Bamboo Day (North East Region) hi kumin hian Mizoram-ah nghah niin nimin a he hun hmanna ah hian Chief Minister, Lal Thanhawla chuan India hmarchhak state te chu Mau ah an hausa in, rampuma Mau neih tam zawk chu India hmarchhak ah a awm thu a sawi a. Heng hausakna te hi ei leh bar hmasawnna atan \angkaia hman dan tur ruahmanna DoNER Ministry in a siam chu lawmawm a tih thu a sawi a. Mizoram Mau chu state pawnah lehkha siamchhuahna ah thawn \hin a nih thu leh chung Paper Mill-te chu tihtawp a nih tak hnuin Mau hman \angkaina tur dang ngaihtuah a tul thu a sawi a. Sawrkar laipuiin environment humhalh a \ul zia hre reng chunga rampum leh a bik takin India hmarchhak State te hmasawnna tura hmalak a ni chu lawmthu sawiin, India hmarchhak state zawng zawng huap World Bamboo Day lawmna chuan rah \ha a chhuah ngei a beisei thu a sawi bawk.
Kumin-a World Bamboo Day (NER)-ah hian 'My Bamboo, My Wealth' (Mau - Kan hausakna) tih chu thupui-ah hman a ni a, nimin a he hun hmanna ah hian Chief Secretary, Arvind Ray chuan kalkhawmte lawmna thu sawiin programme hi bul\an a ni a, inkhawm hun kaihruaitu Lalram Thanga, Principal Secretary, EF&CC chuan Mizote chuan hmasang a\ang tawhin Mau chu an nitin nunah a bet tlat a, Vawiin thlenga ram ei leh bar tihmasawnna hmanrua pawimawh a la nih theih thu a sawi bawk.
Mizoram World Bamboo Day (NER) hi Ministry of Environment, Forests & Climate Change, Ministry of Development of North East Region, GIZ (India-Germany Cooperation) \angkawp a buatsaih a ni a. Mau \angkaina leh \hatna inzirtirna hun te hman niin, zirlaite tan lemziah leh Hnangtah intihsiakna neih a ni a. Photography intihsiakna buatsaih ni bawkin, Mau a\anga thilsiam hrang hrang entirna leh hralhna neih a ni bawk.
Mizoram World Bamboo Day (NER) pual hian Pachhunga University College-ah DoNER Secretary kaihhruaiin Mau hman \angkai kawnga hmasawnna chungchangah Technical Session neih a ni a, Bamboo Centre, Aizawl Bethlehem Vengthlang-ah zirlai leh kuthnathawktute tan Study Trip buatsaih ni bawkin Confederation of Indian Industry, Mizoram buatsaihin R. Deng\huama Stadium-ah hian Buyer-Seller Meet buatsaihin tlai lamah Fashion Show, lam leh zai entirna hun neih a bawk ang.

Popular posts from this blog

PAN CARD an tih teh fo hi - Laldinpuia