Friday, 28 September 2018

Presbyterian Mizoram Synod ruahman angin Kohhran Inpumkhatna leh Thawhhona zirho a ni

Presbyterian Mizoram Synod Rorel Inkhawm in alo rel tawh angin nimin khan Serchhip District pum huap ‘Kohhran Inpumkhatna leh Thawhhona’ tih thupui hmangin Seminar neih a ni.
Mizoram Synod Inkhawmpui in alo rel tawh anga ‘Kohhran Inpumkhatna leh Thawhhona’ chungchang zirhona hi Serchhip Kawnpui Kohhran Hall-ah neih niin Mizoram Synod Moderator, Rev. F. Lalrinnunga chuan a kaihruai a, Synod Moderator he huna kalkhawmte inlawmna thu sawiin, hemi hnu hian Resource Person atana ruat, Rev. Dr. H. Vanlalauva Paper buatsaih chu zirho niin chawhma lamah Mizoram chhunga Kohhran Pawl hrang hrangte dinhmun leh inlaichin dan te zirho niin chawhnu lamah Kohhran pawl hrang hrangte inpumkhat leh thawhho a \ul zia zirho leh a ni bawk.
He huna Paper buatsaihtu Rev. Dr. H. Vanlalauva chuan ‘Kohhran inpumkhatna leh thawhhona’ an zirho in a tum ber chu Mizoram-a Kohhran pawl hrang hrangte inpumkhatna leh thawhhona chungchang a nih thu sawiin, Mizoram-ah Kohhran pawl dang leh Tual\o pawl hrang hrang \hahnem tak an awm thu a sawi a. Mission Kohhran pathum (3) tia sawi \hin Mizoram Presbyterian Kohhran, Mizoram Baptist Kohhran leh Evangelical Church of Maraland te pawhin Missionary te \in hnuah thawhhona \ha an nei thei ta lo nia sawiin, kum 1949 khan Mizoram chhim leh hmar-a Missionary leh Kohhran hruaitute chuan Thenzawl-ah intawhkhawmna neiin kum 1983 thleng khan \um 10 lai intawhkhawmna neiin Kohhran inpumkhatna leh thawhhona chungchang hi an lo sawiho tawh \hin tih a sawi a. Nasa taka hma lak a ni chungin kum 1984-ah ramri \hiah a nih khan an hmalakna chuan awmzia a nei ta rihlo tih a sawi.
Hemi hnu hian hmalakna hrang hrang a awm thu pawh sawiin, kum 2015 Mizoram Synod inkhawmpui chuan Mizoram-a Kohhran pawl hrang hrangte nena inpumkhatna leh thawhhona kawng zawn chu a rel leh thu sawiin, hemi bawhzuitu Sub-Committee in rawtna hrang hrang a siam te chu kum 2016 Synod Inkhawmpui-ah pharha pawm a nih thu leh hemi bawhzuina kalzelah hian Vawiin a Seminar hi neih a nih tak thu a sawi bawk.
Nimin a he Seminar-ah hian Serchhip District chhunga Pesbytery 6-a Pastor Bial hrang hrang 22 a\angin Kohhran tin aiawh Upa pahnih bakah Pastor leh Pro Pastor awm zawng zawngte tel tura beisei an nih angin mi 200 chuang an tel a, Serchhip District pawnlam a\angin Darlung Pastor Bial (Mamit District) pawh he Seminar-ah hian telin nilengin hun hman a ni.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...