Tui leh hriselna chungchang zirhona nei

PHE Department hnuaia Communication & Capacity Development Unit buatsaihin nimin khan Serchhip-ah Tui intuar thianghlim neihna tur leh hriselna tura pawimawh hrang hrangte zirhona chu neih a ni.

Serchhip Auditorium-a ‘Workshop-cum-Training on Support Activities & Water Quality Monitoring and Surveillances Programme’ hman hi PHE Department hnuaia CCDC Director, Er. H. Duhkima chuan a kaihruai a, mipui te hriselna tur leh mipui ten tui in tur thianghlim an hmuh theihna tura PHE Department in hma an lo lak tawh dan te sawiin, PHE Department in kum 30 zel mipuite tui thianghlim in tur pe tura hma an lak hnuah kum 2016-a an zirchianna a\angin Mizoram-a khaw 258 te chuan Tui thianghlim in tur khamkhawp an la hmuhloh thu leh amaherawh chu kum 2 hnu, kum 2018-ah chuan Tui thianghlim in tur khamkhaw hmulo khua hi 548-ah an pun thu a sawi a. Mizoram khua awm a\anga za zela 25 chuan tui khamkhawp an la neih loh sawiin, sawrkar in tuilak hna chu thawk thei mahse tui hna \ha a awm siloh chuan a tihngaihna a awm chuang lova, tui hnianghnar taka neih zel theih nan kan zavaiin mawh kan phur a ni, a ti.

He hun hmanna ah hian Serchhip District chhung khaw hrang hrang a\anga VC, YMA, MHIP leh Water and Sanitation Committee aiawh mi pakhat \heuh tel tura sawm niin Tui thianghlim leh thianghlim loh enfiah dan leh a enkawl dan chungchangah PC. Biakmawia, Chief Chemist, SRI PHED chuan zirtirna pein mihring hriselna leh Tui leh thianghlimna inlaichin dan chungchang ah Dr. C. Zodinmawii, MO (OST), JN Hospital Serchhip; Water and Sanitation Committee din dan leh an hnathawh dan tur chungchangah Er. F. Lalsanglura, EE PHE leh ramngaw humhalh leh tui thianghlim in tur inzawmna chungchangah Netralal Jaisi, State Coordinator, CCDU ten zirtirna a pe a. Chawhnu lamah Faina kawnga Serchhip khawpuia hmalakna leh hmasawnna te pawh an tlawh bawk.