PHE ram chin rawn enfiah

Nimin khan PHE Department Engineer-in-Chief Er. Lalmuanzova chuan Serchhip rawn tlawhin, Serchhip-a PHE Department ram hum-halh dan tur a en.

Tunhnai khan Serchhip-a PHE Department ram chu mi \henkhatin neih tumin hma an la nia hriain Er. Lalmuanzova chuan PHE Department ram leh an pass an neih te a en a, an pass neih a\angin an ram chin chu chiang taka hriat theih a ni tih sawiin, tuna Serchhip PHE Department EE hna chelh mektu, Er. F. Sanglura hnenah Serchhip-a a awm chhung chu an Department ram chin chu humhalh tlat turin a hrilh a, a awm tawhloh hnuah pawh a hnua EE awm leh turten an humhalh zel tur a ni, a ti bawk.

Er. Lalmuanzova chuan mimalin sawrkar Department ram an zuam \hin nia sawiin, Department tana No Objection sign-tu tur chu Secretary an ni tih a sawi a, Serchhip-a an Department ram humhalh zui dan tur hrang hrang pawh Er. F. Lalsanglura hnenah hian a hrilh nghal bawk. Er. Lalmuanzova hi Er. Zohming-liana, Sr. EE, E-in-C office chuan a rawn \awiawm a ni.