PWD SDO Motor kangchhia

Inrinni zing khawvar hma dar 1:00 leh dar 2:00 inkar khan Serchhip Venglai PWD Quarters-a PWD Serchhip Division-a SDO Motor dahna chu a kang a, an Bolero chu a kangchhe nasa hle.
Serchhip Venglai PWD SDO Quarters-a SDO, Lalduhzuala Sailo chenna leh an Motor dahna hi in kawt-an maia awm niin Inrinni zan zanlai pelhhnu dar 1:00 leh dar 2:00 inkar vel khan Garrage hi a kang tih hriat a ni a, kangmei a chhuah hriat a nih chuan Motor dahna-a Motor Bolero an dah hnunglam chu a kangchhe nasa hman tawh a. Kangmei chhuak hre hmasatute hian Fire Department lam hriattir vatin anni hian rang takin kangmei chhuahna hmun hi an pan nghal a, darkar chanve vel ngawrh taka an \helh hnuah kangmei hi \helh mih theih a ni a. Motor hi kang chhe nasa viau mah se mihring thi leh hliam erawh awm lovin a bul vela In dang kangkai tur pawh an veng hman a ni.
PWD Serchhip Division-a SDO, Lal-duhzuala Sailo hi kumin July thlaa Kawrthah a\anga rawn awm kha niin kangmei chhuah chhan hi chiang taka hriat a ni lo a, Motor neitu, Lalduhzuala Sailo chuan an Motor hi nikum lawka an lei a nih thu leh kumkhat vel chiah an la kawl thu sawiin, Motor hi thimhlim ah an dahlut tih a sawi a, hemi hnu hian an khawih zui takloh avangin kangmei lo chhuah chhan awm hi an hriatloh thu leh an Garrage-ah hian Electric an fit avangin hemi a\anga in\an pawh a ni mai thei tih a sawi bawk.

Popular posts from this blog

PAN CARD an tih teh fo hi - Laldinpuia