Kum 10 chhungin Department ti changtlung tura hmasawnna ruhrel hmuh tur a awm - Chief Minister

Chief Minister, Lal Thanhawla chuan tun kum sawm chhung hian nasa takin sawrkar Department-te tichangtlung tura hmasawnna ruhrel hmuh tur a awm tih sawiin, heng hmalakna te ti hlawhtling tura tha thawhtute chungah lawmthu a sawi.
State Tax Zonal Office Building, Deputy Commissioner of State Tax Zone-I leh Zone-II \huthmun tur hawnna nimin a Aizawl New Secretariat Complex-a neih khuallian nia a hmanpuina ah he thu hi sawiin Chief Minister chuan sawrkar chu langtlang leh mipuite tana dawr nuam, a thawktute pawh mi rintlak leh belhchian dawl an nih a ngai tih sawiin, chumi atan chuan post sang ber a\anga hniam ber thlengin thawktute an pawimawh a ni, a ti a. State hmasawnna tura hmalakna kalpui mek NLUP avanga beneficiary-te thawh \hat avangte leh sawrkar lama thawktute thawhrimna avangin economy-ah pawh Mizoram in hma sawn chho zelin, India rama state GSDP \hang chak ber pakli zingah Mizoram a tel thu te, Per Capita Income ah national average aia Mizoram a sang thu te, chaw khawpkhamlo awm tlemna ber state a thlan anih thu te, state te 12 zinga ‘Best Governend State’ a uan anih thu te a sawi bawk.
Nimin a hawn tak State Tax Building thar hi NEDP kaltlanga cheng nuai 443.14 hmanga sak a ni a, Commissioner of State Tax chu Nodal Agency a niin UD&PA ten Engineering Service tumin, F.K. Construction ten a sak hna tak hi an thawk a. Nikum September thla khan thawh \an niin, August ni 30, 2018 khan sak zawh a ni. He Building hi chhawng 5 niin Ground Floor leh First Floor hi Taxation Department Zone-I leh Zone-II awmna tura ruahman niin Deputy Commissioner, Asst. Commissioner of Taxes, Inspector of Taxes leh staff-te awmna tura ruahman ve ve a ni a. Second Floor-ah Auditorium leh mi 50 lenna Conference Hall awmin, Basement-I chu Canteen leh Parking Area atan duan a ni a, Basement-II ah Chowkidar Quarter pahnih a awm bawk a ni.

Popular posts from this blog

PAN CARD an tih teh fo hi - Laldinpuia