NFSA zirchianna nei dawn

Mizoram-a National Food Security Act, 2013 kalpui dan zirchianna neihna turin Serchhip District thlan a ni a, he zirchianna neih tur chungchang inhrilhhriatna leh zirhona chu nimin khan Serchhip-ah neih a ni.

Sawrkar laipui in India rama National Food Security Act a kalpui mek zirchianna neihna tur hian ramchhunga District 296 thlangin Mizoram a\angin District pakhat thlan niin Ser-chhip District chhungah he zirchianna hi neih a ni dawn a, he zirchianna nei tur hian Mizoram-ah chuan State Institute of Rural Development & Panchayati Raj (SIRD&PR) chu thlan niin nimin khan zirchianna neitu turte hian Serchhip DCSO leh thawktute chu Serchhip Tarpi Tlang-a District Panchayati Resource Centre (DPRC) Conference Hall-ah kawmin he hmalakna chungchang hi sawiho a ni.

He inkawmna ah hian Khuangthan-sanga Pakhuangte (KT. Pakhuangte), Senior Faculty, SIRD&PR, Mizoram chuan he zirchianna neih turah hian kum 2013 a\anga India rama National Food Security Act kalpui mekah eng harsatna te nge awm tih leh chung harsatna te chu eng-tianga sutkian tur nge tih te hriat tum a nih dawn thu a sawi a, he zirchianna neihna tur hian khaw 5 thlan turah Serchhip District-a khaw 6 thlangin khaw 5 te report chu thehluh a nih dawn thu a sawi a, heng khaw 6 te hi Serchhip, Thenzawl, Khaw-lailung-II, Kei\um, Khumtung leh Buangpui te a nih thu sawiin, an zirchianna ah hian Kudam, Fair Price Shop (FPS), FPS Level Vigilance Committee leh Household-ah zawhna chhan tur ruahman a nih thu a sawi a, khaw tinah hian chhungkaw 15 zel zawhna zawh an nih dawn thu a sawi a. He an zirchianna hi tun thla chhung neiin October 2-ah Draft Report peihfelin October thla khian National Level-ah an zirchianna hi an present dawn thu a sawi bawk.

Nimin sawihona hunah hian Serchhip DCSO, Rosangmawia bakah he zirchianna neih turin a huam china Supply Inspector te an tel a ni.