NLUP leh SEDP te hi Politics Aiawt a ni - Duhoma

Kumin Assembly inthlanpuia Serchhip biala din tum leh ZPM Chief Ministerial Candidate, Lalduhoma chuan Congress leh MNF ten an tawk-tarh NLUP leh SEDP chu Politics Aiawt a nih thu a sawi.

Kar hmasa a Serchhip bial khaw hrang hrang tlawhtu ZPM Chief Ministerial candidate, Lalduhoma hian Ningani-a Serchhip-a hun a hman hnuah Zawlpui phai tlawhin Thenzawl leh Buangpui a tlawh bawk.

Zirtawpni-a Buangpui khua a tlawhna ah hian Lalduhoma Congress in an zawrh mek NLUP leh MNF tawktarh SEDP chu politics Aiawt a ni tih sawiin, “Aiawt-a Chakai man kan tum chuan Chakai duh zawng kan ngaihtuah \hin ang hian, heng sem rawn zuartute hian in vote an duh avangin heng hi an rawn zuar a ni,” a ti a. Aiawt-ah hian tumah lo tla lo turin Zoram mipuite chahin, “ZPM chuan kuthnathawktute thawhrima, an hausakna tur kan aupui. Petera’n 'Nazareth Isua hmingin ke in kal tawh rawh' a tih ang khan pawisa nawi kutdawhin a itna ti bo a, a kal thei ta ang khan, heng pawisa nawi it zel tir tumna, Sem Policy ang mai mai hi ZPM-in kan zuar ve lo. Mahni dingchhuak a, ke an kal theih ngeina tur hi kan zuar a ni,” tiin beiseina nung nei turin Zoram mipui te a sawm bawk.

MNF leh Congress party te chu a party ang chuan an \halo hauh lo tih pawh sawiin Lalduhoma chuan, “Hruaitu ngai reng ten belhkhawmin kum 34 zet min hruai tawh a, kum nga chhung min kaihruai leh tura anni pahnih bawk thlan leh a, a ngai ang bawk a kal leh tur anih a chian sa avangin heng party pahnih te kaihruaina ni lo, Mipui Sawrkar alo piana hruaitu thar kan neih theih nan ZPM chu a lo piang tih a sawi a. ZPM chu thawkho ni mai lova pawl pakhata awm tur leh kehdarh leh mai mai tur ni lo in siam leh buaipui mek a ni tih a sawi bawk.