Mizoram in hnathawk \ha lawmman dawng

Niminpiah khan Plenary Hall, Vigyan Bhawan, New Delhi-ah rampum huapa RD hnuaia hnathawk \ha lawmman semna hun, National Awards Distribution Function chu Ministry of Rural Development chuan a huaihawt a. He hunah hian Mizoram pawhin hnathawk \ha lawmman hi Mahatma Gandhi National Rural Employment Guarantee scheme hnuaiah category 4-ah a dawng a ni.

National Awards Distribution Function-ah hian Ministry of Rural Development hnuaia scheme hrang hrang a State ti\ha zual te hnenah lawmman sem chhuah niin Mizoram hian State initiative on Geo-MGNREGA ah lawmman pathumna dawngin, Implementation of Good Governance Initiative-ah pangana a dawng a. Highest completion-ah lawmman pakhatna leh Implementation of Bare Foot Technician project-ah State Administrative Department leh State Institute of Rural Development (SIRD) chuan category khat-ah lawmman pakhatna an la bawk a ni. Shyama Prasad Mukherjii Rurban Mission (SPMRM) hnuaia Best performing State in the Country category-ah lawmman pahnihna a la a. State Rural Livelihood Mission a Livelihood category hnuaiah State hnathawk \hazual sawmpakhat (11) zingah Mizoram chu telin lawmman a la bawk a ni.