Latest News

Tlabung RD Block ngiatin mipui ten kawng an zawh

Tlabung RD Block siam an duhna lantirin nimin khan Tlabung leh a chhehvel khaw mipui ten Tlabung Zodin kawn a\anga Bungkawn thleng kawng an zawh a, he kawngzawh a tel mipuite chuan Tlabung RD Block a pian hma chu hmalam pana kal zel an tum thu resolution siamin an puang bawk.
Tlabung RD Block Demand Committee (TRDBDC) hmalaknaa he kawngzawh ah hian TRDBDC Chairman, C. Vanlalhruaia chuan, Tlabung RD Block siam phûta kawng zawh a ngai ta hial chu vanduaithlak a tih thu leh, thuneitu ten Tlabung leh a chhehvel an ngaihsak tawk loh vang a nih thu sawiin, "Sawrkar nawr kal tura mipui kan penchhuah hun a inherchhuak ta a ni," a ti a; Tlabung RD Block Demand Committee-in a \ul anga hma lak chhoh zel a tum tih sawiin, Tlabung leh a chhehvel khuaten hma an sawn theihna tura penchhuak zel turin a sawm bawk.
Nimin a Tlabung-a kawngzawh ah hian mi sang chuang vel an tel thu Tlabung a\anga thudawn chuan sawiin,  he kawngzawh hi Tlabung Auto Rickshaw Owners' Association leh Tlabung Taxi Owners' Association-te chuan TRDBDC hmalakna an thlawp lantirnan an service an tihtâwp bakah, mipui hmaah tlânin hma an hruai a; khaw chhunga mi \hahnemngai ten a thlâwnin lirthei an thawh bawk. TRDBDC hruaituten an sawm angin, tualchhunga zirna In tam zawka zirlaite pawhin kawngzawh hi an zawm ve bawk a ni.
He kawngzawha tel te hian Resolution 5 pass in heng zingah hian Tlabung RD Block siam tura hma an lak hnuah tun thlenga pek an la nilo chu pawi an tih thu leh ramri-a mipuite hmuhsitna leh thamlohna ah an ngaih thu te, Tla-bung RD Block chu a rang thei ang bera siam an phut thu leh Tlabung RD Block Demand Committee hmalakna chu a tawp thlenga thlawp zel an inhuam thu te pawh an tarlang bawk.

Comments

Popular News (Last 30 Days)