Tuesday, 18 September 2018

Aurinna hman tlem zel a \ul

Aurinna hman tlem zel a \ul


Mizote hi tunhma kan khawtlang nun a\anga ‘Tlangau’ nei \hin niin hun kalzelah pawh mipuite tana hriattur pawimawh puanzarna hmanrua kan nei zel a. Tuna Tlangau kan neih langsar ber chu ‘YMA Information’ kan tih mai, aurinna kan hman hi a niin a rin-awm a, Veng hrang hrangah mipuite tan a \angkai viau rual hian kan hman danah erawh YMA Branch hrang hrangte kalphung a inanglo hle a. Mi tam tak tana thil \angkai tak hi mi tam tak te tan chuan bengchheng siamtu leh har-satna thlentu a ni thei zawk fo ta niin a lang.

YMA in aurinna kan neih te hi mipuite tana \angkai tak a nih avangin a rikna \hin lam a\anga rawn ri a awm hi chuan mipuite hian kan beng kan chhi a, kan vaia hriat tlan tur thil pawimawh tak kan hre \hin. Amaherawh chu tunhnaiah erawh mi zawng zawng tana pawimawh ni lemlo leh tute emaw inzawrh leh intihlarna thil puan ni awm tak tak hriat tur a awm ta fo mai a, heng te hi a chhan tlangpui nia lang chu sum hmuhna atan kan duh vang niin a lang. Hetiang thil puan hi mi tam tak tan bengchheng a nih bakah YMA Information mike hlutna tihniamtu pawh niin a lang.
Chuvangin, YMA Branch hrang hrang te hian YMA Information Mike kan hman dan hi kan enfiaha kan ennawn fo a \ul niin a lang a, Veng \henkhat ah phei chuan YMA Information Mike hi fiamthu nena thu puanna atan an hmang \hin emaw tih zawk tur hial nia lang te hi thil pawi tak a ni a. Kan thupuan tur zirin a puan hun te pawh hi kan fimkhur deuh deuh a ngai hle a ni. Rikrum thil leh chhiatna thil a nih loh chuan kan Information Mike hmanna hi tihtlem deuh deuh a, YMA in Chanchinbu a neih te hi hman \angkai dan te pawh kan zawn zawk zel a \ul a ni.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...