Thursday, 20 September 2018

MSHCS Governing Board in Mizoram-a PMJAY kalpui dan tur an sawiho

Mizoram State Health Care Society (MSHCS) Governing Board chu nimin khan an Chairman, Chief Minister Lal Thanhawla hovin Chief Minister Office-ah an \hukhawm.
Khawsak harsa zawkte tan damloh nikhua a inenkawlna sawrkarin a chhawmdawlna Scheme, Rashtriya Swasthya Bima Yojana (RSBY) hmanlai mek chu sawrkar laipuiin Pradhan Mantri Jan Arogya Yojana (PMJAY) hmangin a thlak dawn a. Hemi chungchanga thu pawimawh hrang hrangte he hunah hian sawiho a ni a. PMJAY hian RSBY hnuaia inziaklut tawh sa te leh Rural Development SECC (Socio Economic Caste Census) in miharsa zual (deprived criteria)-a a dah te chu a huam nghal dawn a. Hei bakah hian Committee chuan tuna state sawrkarin chhungkaw khawsak pangngai - Above Poverty Line chhungkua te tana Mizoram State Health Care Scheme (MSHCS) a siam chu PMJAY nen hian thlunzawm ni se tiin a rel bawk.
Rashtriya Swasthya Bima Yojana (RSBY) thlakna tur hi a tirah Rashtriya Swasthya Suraksha Mission (RSSM) tia vuah ni mah se sawrkar laipui chuan thlak lehin PMJAY hming hi a pu dawn a, August 15, 2018 a\ang khan State \henkhat ah kalpui niin a enchhinna atan ramchhunga District \henkhat ah kalpui a ni a, he ruahmanna kalpuina hmasa ah hian Mizoram District zingah tel an awmlo a, State tinah chuan October 2, 2018-ah hman \an a nih tur thu sawiin, Mizoram bikah chuan insurance mode-a kalpui an tum thu Department hotute chuan an sawi a. Insurance company-te hnenah tunah hian Tender sawrkar chuan a chhuah mek a ni. 
MSHCS hnuaia cheng nuai 3 thleng inenkawlna bill theih chu PMJAY hnuaiah hian cheng nuai 5 thleng a bill theih dawn a, MSHCS hnuaiah hian natna khirh zual (critical illness) chauh Bill phal \hin a ni a, PMJAY hnuaiah chuan zau zawkin natna chi hrang hrang 1395 chuang bill phal a ni dawn a. MSHCS hnuaia chhungkaw member 5 chin tan bill theih \hin kha PMJAY hnuaiah chuan chhungkaw member Bill phal zat bithliah a awm tawh dawnlo a. Sawrkar damdawi In zawng zawngah leh Empanel Private Hospital zawng zawngah a bill theih dawn a ni. Nimin a Meeting-ah hian PMJAY kalpui a nih hnu a sawrkar Hospital te claim chungchanga inkaihhruaina tur te, PMJAY avanga thawktu thar lak mamawh chungchang te pawh sawiho a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP