District thar hmui-a siam chi a ni lo - Lal Thanhawla

MPCC President, Chief Minister Lal Thanhawla chuan District thar chu hmui a siam mai mai chi a ni lo tih sawiin, MPCC Vice President meuh leh Minister ah pawh a pachal berin District a buaipui em em chu a mak a ni, a ti.

Inrinni a Lunglei Congress Bhavan-a thu a sawina ah Lal Thanhawla chuan, District ngiattu dang Khawzawl leh Hnahthial bialtu MLA te erawh an ngawi mai mai tih sawiin, District thar siam chu hmui a siam mai mai chi a ni lova, sum leh pai, ramri chen a ngaihtuah ngai a ni a, chuvangin Official te ngun taka ngaihtuah tir an ni tih sawiin, “MNF khan an awrkar laiin mumal lo takin District thar an siam a, sikul 400 dawn upgrade in Sipai Battalion te an din vak vak a, mahse an tlin phah lo a ni,” a ti a. Home Minister ban chhan chu District Hqrs. a ni mai tih pawh sawiin, “Politics hi dikna, takna leh rinawmna nen a khelh chi a ni,” a ti bawk.